Trajneri Nevil Dede, në emisionin “Skaner” në MCN TV, duke folur për deklaratën e trajnerit të Partizanit, Colella, tha se bën lojëra fjalësh që të mos sulmohen lojtarët.
Dede, në lidhje me Tiranën tha se janë kthyer pragmatistë, duke shtuar se i kanë të gjithë lojtarët në formë.
Në gjykimin tim, është e vështirë të lexosh çfarë thotë trajneri i Partizanit. Vazhdon të bëjë lojëra fjalësh, që mos sulmohen lojtarët. Askujt nuk i vjen mirë të humbasë vendin e parë.
Partizani shpërdoroi shumë dhe nuk ndikuan mungesat, por ata na mësuan duke qenë pragmatistë. Tani duke prodhuar shumë, nuk po shënojnë dot. Diçka nuk po shkon mirë te skuadra. Edhe sulmuesit maten nga golat.
Presidenti Halili kishte shumë besim që në fillim te skuadra. Tirana është bërë pragmatiste. Janë të gjithë lojtarët në formë. Imagjinoni kur të fillojë të shënojë edhe Xhixha, Tirana do të bëhet shumë e frikshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
