Manchester United ka vendosur të mos kufizohet aspak për goditjet e verës . ‘’ Djajtë e Kuq ‘’ duket sikur nuk kënaqen asnjëherë në lidhje me merkaton dhe ka bërë disa kilometra për të gjetur objektivin e rradhës . Ole Gunnar Solskjaer kërkon të formojë një mesfushë rezistente dhe i ka hedhur grepat tek Mauro Arrambari që mbron ngjyrat e Getafes . Me një skuadër që është konsideruar gjithmonë si e mesit të tabelës uruguajani ka ditur të spikasë dhe e ka shënuar emrin në listën e një ndër më të mirëve të planetit. 25 vjeçari është përshatur shumë shpejt në Primera Division sidomos pas kalimit nga Girondins Bordeaux dhe është i paprekshëm për Jose Bordalas . Lojtari nga Salto ka firmosur një kontratë që do ta mbajë në ‘’ El Coliseum ‘’ deri në 2023 -shin dhe klauzola e përcaktuar nga spanjollët për prishjen e saj është 25 milionë euro. E kaluara e lidhi Mauro Arambarrin me një kalim të mundshëm Serinë A por ishte koronavirusi ai që pengoi këtë operacion . Kësaj here do të jetë ndryshe sepse kur bëhet fjalë për Manchester United entuziazmi i çdo lojtari shtohet sepse paraprakisht janë të vetëdijshëm se çdo të thotë te luash në ‘’ Pallatin e Endërrave ‘’ pa llogaritur ndjesitë e papërshkrueshme kur e prekin për herë të parë tapetin e këtij stadiumi magjik. Mauro Arrambarri është prej 4 sezonesh i konfirmuar tek ‘’ Los Azulones ‘’ por karriera e tij mund të marrë një drejtim tjetër shumë shpejt sepse anglezët do ti lëvizin të gjithë gurët për të firmosur me numrin 18 të Getafes .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
