Situata e Jose Luis Gaya tek Valencia po ndiqet me shumë interes nga Juventusi . Spanjolli akoma nuk e ka gjetur gjuhën e përbashkët në funksion të rinovimit të kontratës dhe ‘’ Zonja e Vjetër ‘’ do të kërkojë ta afrojë në gjirin e saj . 25 vjeçari vijon të konsiderohet si një prej anësorëve më efikasë të Primera Division dhe përpos italianëve skuadra të tjera kërkojnë t’ia rrëmbejnë ‘’ Mestallas ‘’ . Ndërhyrjet e merkatos duket se nuk do ta ndalin asnjëherë vrullin e torinezëve . Këtë objektiv rekordmenët e Serisë A e kanë fokusuar pas deklarimit të largimit të Alex Sandros që sipas Calciomercatos vlera e kartonit të brazilianit kap 25 milionë eurot .
Këtë shifër bardhezinjtë kanë ndërmend ta shfrytëzojnë për transferimin e Jose Luis Gaya në ‘’ Allianz Stadium ‘’ dhe janë të vetëdijshëm se duhet të plotësojnë me patjetër kërkesën e Valencias e cila ka theksuar se nuk do të lejojë largimin e mbrojtësit për më pak se 50 milionë euro. Javët e fundit kanë rezultuar shumë të vrullshme në lidhje me këtë lojtar sepse për shërbimet e tij ka treguar në disa raste interes edhe Barcelona që e konsideron si trashëgimtarin e Jordi Albas . Një fakt shumë determinant në këtë histori është se në të kaluarën Valencia ka dhënë për të kuptuar se nuk do ti japë shansin asnjë ekipi të Primera Division për ta patur Jose Luis Gayan në gjirin e tij për të evituar fuqizimin e kundërshtarëve direkt .
Siç dihet Valencia e ka humbur protagonizmin e shumë viteve përpara në të cilat ka rezultuar pjesëmarrëse konstante në Uefa Champions League sepse në këtë sezon ruan vendin e 14-të në tabelë duke krijuar një perspektivë krejtësisht të paqartë për të ardhmen që ia mban hapur rrugën elementëve kyç për ta kërkuar fatin diku tjetër .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
