4 objektivat e Chelseat për sulmin

Revolucioni i Chelseat vazhdon në mënyrë të pandalshme .  Tekniku Thomas Tuchel do të ketë një përgjegjësi të madhe përpara,   objektivi i të cilës është vazhdimi në të njëjtën rrugë për sezonin e ardhshëm .  Kalimi në finalen e Champions Leagues është një sukses më vete për gjermanin por duhet të bëjë shumë kujdes sepse përballë do të jetë Manchester City  . Kjo ndeshje shumë përcaktuese për fatin e londinezëve i ka shtuar forcat tek ‘’ Blutë e Londrës ‘’ të cilët  kanë shtuar intensitetin në funksion të merkatos . 

Traineri gjerman është përqëndruar tek sulmi sepse kërkon të bëjë disa ndërhyrje të vogla për ta perfeksionuar .  Ishi i Dortmundit ka deklaruar katër emra që janë duke mahnitur botën e futbollit dhe  sipas  ‘’ The Sun ‘’ prezantojnë një koefiçent të dukshëm vështirësie .

 I pari është  Harry Kane . Emri i anglezit qarkullon prej kohësh në  skuadrat më të famshme të planetit . Golashënuesi është shumë pranë largimit nga ‘’ White Hart Lane ‘’ pavarësisht se ‘’ Spursat ‘’ i ruajnë shpresat për qëndrimin e tij .  Objektivi kryesor i ‘’ Uraganit ‘’ është fitimi i trofeve dhe në tërë këto vite ‘’ The Whites ‘’ nuk ia ka  krijuar terrenin e përshtatshëm për ta plotësuar këtë dëshirë.  Forca ekonomike që disponon presidenti Roman Abramovich parashikohet se do t’ia lehtësojë rrugën edhe pse çmimi i përcaktuar nga drejtuesit e Tottenham Hotspurit për Harry Kane është 120 milionë euro .

 Pas tij renditet Robert Lewandovski . Polaku cilësohet si një ndër sulmuesit më të mirë të Europës në 10 vitet e fundit por Bayern Munchen ka ditur të sigurojë qëndrimin e polakut në ‘’ Allianz Arena ‘’ . Por këtë sezon 32 vjeçari i ka thyer të gjitha parashikimet  me 38 gola në 46 ndeshje  fakt që e bën shumë llogjik interesin e skuadrave me emër .  

Para disa kohësh e ardhmja e sulmuesit nga Varshava  u lidh me një kalim në Major League Soccer , ligë në të cilën kanë preferuar ta vazhdojnë karrierën shumë yje të futbollit botëror  por interesi i ‘’ Bluve të Londrës ‘’ është një tjetër shans për të provuar një kampionat si Premier League që mbetet një ndër më të shikuarit në futboll.

 Vendin e tretë e zë një sulmues i stër provuar në Premier League . Argjentinasi Sergio Aguero e ka konfirmuar prej kohësh se do të largohet në fundin e sezonit nga ‘’ Etihad Stadium ‘’ dhe fakti se e përfundon kontratën me Manchester City-n në 30 qershor i krijon një shans të artë për vazhdimin e karrierës . S’duhet mbetur pas as Barcelona dhe Juventus që e vëzhgojnë prej kohësh ,  histori e cila thekson një duel titanësh që do ta ketë momentin final në merkaton e verës.

I fundit është Erling Haaland .  Në luftë për norvegjezin është shumica e ekipeve europiane .  Londinezët  po luftojnë fort për shërbimet e perlës së Dortmundit për të cilin duhet ti paguajnë 120 milionë euro ‘’ Verdhezinjve ‘’ por nuk do të jetë aq e lehtë sepse duhet të përmbushin me sukses pretendimet e agjentit të tij  Mino Raiola i cili në operacione të tilla ka dalë gjithnjë me disa miliona në xhep.