Tashmë dihet se prioriteti i drejtuesve të Real Madridit për anën e majtë të mbrojtjes vijon të jetë Alphonso Davies.
Mirëpo kanadezi konsiderohet një element kyç nga traineri i Bayern Munchenit Thomas Tuchel dhe duke iu referuar këtij fakti, ‘’ Galaktikët “ kanë preferuar të analizojnë një tjetër alternativë, gjithmonë nëse s’do ta arrijnë akordin.
Alejandro Grimaldo, i cili po impresionon me Bayer Leverkusenin po analizohet me kujdes, lojtar që konsiderohet si zëvëndësuesi ideal i Ferland Mendy-s apo i Fran Garcias në një të ardhme të afërt.
Transferimi i mundshëm në mitikun ‘’ Santiago Bernabeu ‘’ ndoshta mund të gjenerojë një lloj polemike për arsye të së kaluarës tek Barcelona por gjithsesi 28 vjeçari ka treguar se është i gatshëm të bëhet pjesë e një ekipi të famshëm në merkatot vijuese.
Me ‘’ Aspirinat ‘’ , spanjolli numëron 9 gola dhe 5 asiste në 21 sfidat e këtij sezoni , përfshirë të gjitha kompeticionet, statistika të cilat e bëjnë efektiv në prapavijë dhe tejet të rrezikshëm në inkursionet drejt portave kundërshtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
