Prej kohësh tashmë Barcelona po këmbngul për shërbimet e talentit të Kayserispor Emre Demir i cili ka spikatur në Turqi . Katalanasit duket se do të kenë fat në lidhje me këtë lojtar sepse negociatat ndërmjet palëve kanë rezultuar me sukses dhe sipas Mundodeportivos gjithçka do të mbyllet për 2 milionë euro . Hapi që do të ndërmarrin drejtuesit e ‘’ Los Cules ‘’ për talentin 17 vjeçar është huazimi tek turqit deri sa të mbushë 18 vite dhe më pas të bëhet pjesë e një ndër ekipeve më prestigjoze të planetit .
Qëllimi i spanjollëve është aktivizimi konstant i Emre Demir për të fituar eksperiencën e duhur dhe më pas të provojë veten tek Barcelona , skuadër e cila pavarësisht se është dobësuar me largimin e legjendës Lionel Messi , mbetet një ndër më kompetitivet.
Llogaritë e bëra nga drejtuesit e ‘’ Blaugranëve ‘’ theksojnë se përfshirja e Emre Demir në ekipin e parë do të jetë në verën e 2022-shit sepse e konsiderojnë të domosdoshëm adaptimin në ekipin e filialit që drejtohet nga Sergi Barjuan pa harruar edhe fazën parapërgatitore gjatë të cilës mund ta bindë trainerin Ronald Koeman për ta përfshirë në ekipin e parë.
Me rëndësi për tu shtuar është fakti se Emre Demir ka shënuar një rekord në Turqi duke debutuar në moshën 15 vjeçare në ligën profesioniste para dy sezoneve .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
