Triumfi me 6 gola, Gjasula lë shenjë në debutim

Klaus Gjasula e ka nisur në mënyrë të shkëlqyer aventurën e tij te skuadra e Darmstadt në Bundesliga 2, në Gjermani.

Mesfushori i Kombëtares ka bërë ditën e sotme debutimin, ku që në ndeshjen e parë ka tërhequr vëmendjen e tifozëve në fitoren 6-1 të skuadrës së tij ndaj Ingolstadt. Gjasula u shfaq tejet agresiv, duke mbyllur disa aksione të kundërshtarit në pjesën e parë.

Në të dytën, shqiptari dha asistin e golit të pestë të Darmstadtit. Pasi merr një top në mesfushë, Gjasula jep një pasim të gjatë dhe të saktë për Pfeiffer, i cili ia doli ta dërgojë sferën në fundin e rrjetës.