Spekullimeve të shumta në lidhje me zëvëndesuesin e Romelu Lukakut që pretendohet nga Chelsea duket sikur po i vjen fundi. Interi po e vijon rrugën e rikuperimit të ekonomisë me hapat e duhur dhe duke marrë parasysh shitjen e detyruar të belgut po analizon një opsion shumë interesant .
Eshtë sulmuesi i Fiorentinës Dusan Vlahovic emri i të cilit vazhdon të qarkullojë në ‘’ Giusseppe Meazza ‘’ . Italianët pretendonin edhe Duvan Zapatan por duke qenë se kolumbiani tashmë është shëndërruar në një idhull tek Atalanta , bergamaskët kërkojnë qëndrimin e sulmuesit potent në ‘’ Gewiss Stadium ‘’. 21 vjeçari ka kontribuar shumë tek ‘’ Vjollcët ‘’ dhe me meritë ka arritur deri në këtë stad të karrierës .
Një fakt që do ta afronte më shumë me Interin është se italianët do ta fillojnë sezonin e ri si kampionë , fakt që nënkupton një privilegj për Dusan Vlahovic. .
Në tre vitet e qëndrimit në Firence Dusan Vlahovic ka ditur ti bëjë shumë mirë detyrat dhe deri në momentin që flasim numëron 27 gola dhe 3 asiste në 77 ndeshje .
Aktualisht sipas portalit Transfermarkt vlera e kartonit të Dusan Vlahovic arrin 40 milionë eurot dhe nëse 19 herë kampionët e Serisë A do ta largojnë nga ‘’ Artemio Franchi “ do të dilnin shumë të fituar sepse vlerat e nxënësit të Vincenzo Italianos japin garancinë për shtimin e produktivitetit në repartin e avancuar .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
