Luiza Gega, e cila garoi në finalen e Lojërave Olimpike në 3000 metra me pengesa, është renditur në vendin e 13-të. Një rezultat i mirë ky për atleten shqiptare, duke ditur se përballë garonte me më të mirat e botës.
Arritja e madhe e Gegës ishte kualifikimi për në finale, pasi u bë atletja e parë shqiptare në histori që e arrin këtë dhe ditën e sotme në garën e saj regjistroi kohën regjistroi kohën 9:34.10
Në vendin e parë u rendit atletja nga Uganda, Chemutai, në vendin e dytë Frerich nga SHBA dhe plotësoi podiumin Kiyeng nga Kenia.
Luiza Gega arriti të siguronte një vend mes 15 atleteve më të mira të botës, falë një paraqitjeje të shkëlqyer të bërë në kualifikuese. 32-vjeçarja regjistroi kohën 9.23.85, duke u pozicionuar e pesta në baterinë 2 dhe e 11-ta në renditjen e përgjithshme, në një garë ku konkurruan 41 atlete.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
