Me qëndrimin e Isco Alarcon dhe Dani Ceballos në mëdyshje , Real Madridi do të kërkojë përforcimin e mesfushës në merkaton e janarit .
Carlo Ancelotti po e vlerëson mundësinë e transferimit të Fabian Ruiz në ‘’ Santiago Bernabeu ‘’, ish nxënësin e tij tek Napoli. Italiani kërkon të shfrytëzojë formën e shkëlqyer të spanjollit tek ‘’ Il Partenopei ‘’ për të cilët është shumë i rëndësishëm në 11- shen e formuar nga Luciano Spalletti .
Kjo është një mundësi ideale për ‘’ Galaktikët ‘’ duke marrë shkas nga momenti i 25 vjeçarit i cili po shijon eksperiencën më të suksesshme në karrierë me italianët . Eshtë hera e dytë që kryeqytetasit interesohen për ishi-n e Real Betisit dhe për të thekson një vlerësim më vete sepse të gjithë lojtarët ëndërrojnë që një ditë ta veshin bluzën e ‘’ Los Blancos ‘’.
Aventura me andaluzët i krijoi terrenin për të zgjeruar protagonizmin tek Napoli por prioriteti i ‘’ Los Merengues “ është kapërcimi në një tjetër stad me përsëritjen e sukseseve të së kaluarës si fitimi i Champions Leagues dhe La Ligas .
Figura e Carlo Ancelottit krijon shpresa por 62 vjeçari duhet të riadaptohet dhe natyrisht t֝ë ketë në dispozicion elementë që mund ta çojnë drejt lavdisë .
14 ndeshjet e deritanishme kanë rezultuar për tu duartrokitur për Fabian Ruiz sepse pavarësisht 3 golave dhe 2 asisteve ka ditur të kuptojë shumë mirë ideologjinë e Maurizio Sarrit duke qenë pozicional dhe efektiv gjatë ndeshjeve .
Për Napolin është i domosdoshëm ky mesfushor sepse di të lidhet shumë mirë me shokët e skuadrës dhe ky faktor përbën një sukses më vete për ‘’ Azurrët ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
