Orët e fundit kanë rezultuar shumë intensive për Interin . Zikaltërit me shumë sforco kanë siguruar qëndrimin e Romelu Lukakut në ‘’ Giusseppe Meazza ‘’ . Zërat e shumtë që e lidhnin me Manchester City-n dhe Chelsean tashmë kanë mbetur në tentativë sepse belgu ka vendosur të vijojë rrugën e susksesit me zikaltërit që janë në pozicione shumë të favorshme në lidhje me të ardhmen . Traineri Simone Inzaghi tashmë mund të rrijë i qetë sepse do të shijojë në maksimum prezencat e bishës së sulmit , i cili mbetet një lojtar i domosdoshëm për 19 herë kampionët e Scudettos .
Ky hap perceptohet si shumë llogjik nga ana e Interit sepse një skuadër kampionësh në asnjë mënyrë nuk mund të lejojë largimin e komponentëve më të rëndësishëm pavarësisht se ofertat në drejtim të tyre mund të jenë shumë interesante . Në lidhje me këtë hap të hedhur Romelu Lukaku është shprehur shumë i kënaqur dhe ka deklaruar kështu :
“ Ndihem shumë i lumtur tek Interi dhe shpresoj që të bëjmë gjëra pozitive në sezonin vijues . Biseda me trainerin Simone Inzaghi ishte shumë produktive dhe objektivi kryesor është përsëritja e suksesit në Serinë A “ , ishin këto fjalët e gjigandit të sulmit zikaltër që i ka shkaktuar shumë kënaqësi kësaj skuadre me qëndrimin në Milano.
Gjithsesi Interi nuk e shmang shitjen e ishi-t të Chelseat në të ardhmen për të stabilizuar gjëndjen ekonomike , sepse në rast se situata e deritanishme agravohet mund ti rrezikojë seriozisht të ardhmen italianëve .
Për një sulmues që ka shënuar 30 gola në 44 ndeshje pa diskutimin më të vogël që çdo skuadër do ti lëvizte të gjithë gurët për ta mbajtur në gjirin e saj sepse Romelu Lukaku është një garanci absolute për produktivitetin e repartit të avancuar .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
