Sezoni i kaluar rezultoi determinant për Lillen . Fitimi i Ligue 1 ndikoi në të ardhmen e shumë lojtarëve të njohur të cilët u bënë shumë shpejt pjesë e planeve të ekipeve me emër . Ky fakt favorizoi një ndër mbrojtësit më premtues të panoramës europiane si Sven Botman .
Për hollandezin kanë treguar interes Milani , Bayern Munchen dhe Atletico Madridi të cilët natyrisht do të zhvillojnë një sfidë shumë të ashpër ndërmjet tyre .
Ecuria e deritanishme ka filluar të japë rezultate veçanërisht për kuqezinjtë që kanë avancuar në lidhje me shtatlartin . Dëmtimi i Simon Kjaer i ka krijuar dhimbje koke Stefano Piolit dhe konsideron se Milanit i duhet një mbrojtës kualitativ që garanton vazhdimësinë në prapavijë dhe Sven Botman është ideali për italianët .
Kontrata e talentit të Lilles mbetet në fuqi deri në 30 qershorin e 2025-sës dhe obligon skuadrën nga Milano të realizojë një sforco për ta transferuar në ‘’ San Siro ‘’. Dy përfaqësuesit si Paolo Maldini dhe Frederic Massara po bëjnë gjithçka është e mundur për arritjen e këtij objektivi gjatë merkatos së janarit .
Shtatlartësia, fakti i të qënit tepër pozicional dhe fuqia fizike janë komponentë që e lartësojnë figurën e Sven Botman , lojtar që po lë gjurmë tek ‘’ Les Dogues ‘’ me të cilët është aktivizuar 15 ndeshje dhe ka shënuar 1 gol por parashikohet që drejtuesit e Lilles do të reagojnë për një lojtar që ka rezultuar një ndihmë shumë e madhe për mbrojtjen .
Nga krahu tjetër, entuziazmi në lidhje me merkaton po ndihet fuqishem çdo ditë dhe Milanit nuk i lejohet asnjë hap fals për të mos prishur harmoninë dhe ti bien me shkelm sakrificave të Stefano Piolit i cili me mjeshtëri i ka shëndërruar të tijët në një rival të vështirë në çdo kompeticion.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
