Prej shumë vitesh Real Madridi ka synuar në çdo merkato transferimin e Mauro Icardit në ‘’ Santiago Bernabeu ‘’ . Në kohën kur argjentinasi aktivizohej për Interin , presidenti Florentino Perez ëndërronte që ti bashkohej kryeqytetasve por sipas ‘ Calciomercatos ‘ një ndër motivet e mosrealizimit të këtij operacioni ishte ish bashkëshortja dhe njëkohësisht ish agjentja Wanda Nara të cilën manjati spanjoll e cilësonte një person shumë konfliktiv, fakt që për presidentin e ‘’ Los Merengues ‘’ ndikoi në këtë çështje .
Gjithsesi ndarja e golashënuesit me Wanda Nara-n i ka dhënë të drejtë spanjollit për të cilin rruga tashmë është e hapur për të ritentuar transferimin e sulmuesit në Primera Division .
Tashmë ishi i Interit duhet të kërkojë një tjetër agjent dhe interesi i ‘’ Galaktikëve “ tingëllon tepër motivues për të ardhmen e Mauro Icardit i cili nuk arriti të adaptohej siç duhet në Paris St Germain .
Në një farë mënyre ky ngërç i pësuar në karrierë justifikohet me faktin se ‘’ Les Pariziens ‘’ përbëhen nga tridenti i Messi – Neymar – Mbappe në ofensivë dhe aktivizimi i reduktuar i ishi-t të Sampdorias konsiderohet llogjik .
11 ndeshje dhe 3 gola janë shumë larg plotësimit të kushteve për qëndrimin në ‘’ Parque De Prince “ në një ekip që aspiron fitimin e çdo trofeu dhe opsioni i shfaqur mund të rezultojë një rrugë shpëtimi për karrierën e Mauro Icardit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
