Milani u mposht në ndeshjen e parë në gjysmëfinalen e Ligës së Kampioneve nga Interi me rezultatin 0-2, por kjo ndeshje do të mbetet në historinë e futbollit italian. Jo për atë që ndodhi në fushë, por për të ardhurat e arkëtuara.
Milani, që ishte edhe pritës në këtë takim, ka vendosur një rekord arkëtimesh nga biletat e tifozëve.
Plot 75 mijë e 500 tifozë të pranishëm në tribunat e “San Siro”, që në shifra të ardhurash për klubin, përkthehen në 10.4 milionë euro të përfituara. Deri më tani, asnjë sfidë e zhvilluar në Itali në Champions League, nuk i kishte kaluar dhjetë milionë euro të ardhura nga arkëtimet, ndërsa rekordin më parë e mbante përsëri Milani, me 9.1 milionë euro të përfituara në sfidën ndaj Tottenham.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
