Esin Hakaj nuk do të jetë pjesë e Partizanit dhe kjo tashmë është e sigurt. Mbrojtësi dhe drejtuesit e kuq nuk kanë rënë dakord për rinovimin e kontratës dhe për këtë arsye është vendosur mbyllja e bashkëpunimit.
Shkodrani nuk ka vonuar shumë për të gjetur skuadrën e re. Hakaj do të vazhdojë karrierën në Turqi, me skuadrën e Samsunspor në Ligën e Parë. Sipas asaj që raportojnë mediat turke, 24-vjeçari ka arritur një marrëveshje në parim me drejtuesit e Samsunspor dhe gjithçka pritet të zyrtarizohet së shpejti.
Te Samsunspori Hakaj do të gjejë edhe Erald Çinarin, i cili u zyrtarizua aty pak ditë më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
