Ditën e sotme, sektori i arbitrave në FSHF ka organizuar seminarin me arbitrat e Superiores, ku morën pjesë disa arbitre femra dhe 7 arbitra të rinj.
Sipas FSHF, në këtë takim është analizuar me detaje performanca e arbitrave në 5 javët e fundit të kampionatit, duke u ndalur konkretisht në raste të kontestuara gjatë ndeshjeve kur kemi pasur të bëjmë me penallti, kartonë të kuq apo ndërhyrje të parregullta. Përmes ilustrimit me pamje video, Sektori i Arbitrimit u ka diskutuar me arbitrat për vendimet e marra në këto raste konkrete dhe çfarë parashikon rregullorja për të pasur vendime sa më të drejta në fushë dhe korrekte.
Një pjesë e mirë e mbledhjes i është kushtuar edhe vendimeve të marrë me ndihmën e VAR-it, si është implementuar teknologjia dhe sa ka ndikuar në uljen e rasteve të diskutueshme gjatë këtij sezoni. Po ashtu në këtë seminar është diskutuar edhe performanca e arbitrave të rinj.
Në konkluzion, Sektori i Arbitrimit është shprehur i kënaqur me paraqitjen e arbitrave, teksa vlerëson se duhet punuar edhe më shumë për të minimizuar vendimet e diskutueshme në fushën e lojës gjatë ndeshjeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
