Rruga e Manchester United me Juan Mata-n është drejt ndarjes . Parashikohet se 12 sezonet në Premier League do të bëjnë xhiron e fundit në përfundimin e aktualit . Traineri i ‘’ The Red Devilsave ‘’ është vënë në qendër të kritikave për faktin e mosaktivizimit të spanjollit në pozicionin e tij natural dhe vendimi i nordikut ka ndikuar negativisht në rendimentin e ishi-t të Chelseat në fushë.
Por eksperienca e 33 vjeçarit mendohet se nuk do ta lërë në baltë dhe ashtu siç ndodh pothuajse në të gjitha rastet mendohet se do ti zhvillojë vitet e mbetura pikërisht aty ku filloi të spikasë , në Primera Division.
Gjatë karrierës Juan Mata ka provuar të luajë në shumë pozicione duke shërbyer me efikasitet në çdo skuadër dhe kapaciteti i tij ia ka hapur dyert për të provuar ndjesinë e të luajturit në kampionatin anglez që cilësohet si ndër më të bukurit në botë pa harruar as Champions Leaguen . Pavarësisht titujve të fituar sidomos me Chelsean dhe Manchester United , Juan Mata ishte pjesë e suksesit të Spanjës në Botërorin e 2010-tës në Afrikën e Jugut dhe Europianit të 2012- tës në Poloni dhe Ukrahinë .
Me një kurrikulum të tillë dhe një eksperiencë të madhe në terrenet e gjelbërta lojtari nga Burgos i ka dyert e hapura sidomos në La Liga , kampionat që i dha shansin për tu njohur botërisht dhe të lërë gjurmë në çdo skuadër ku ka vënë këmbët .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
