Të qënit një ndër më të rëndësishmit e 11-shes së Stefano Piolit, ka detyruar drejtuesit e Milanit të përshpejtojnë aksionet për rinovimin e kontratës së Ismael Bennacer.
Mesfushori vijon të shkëlqejë me kuqezinjtë , me të cilët arriti një sukses historik në sezonin e kaluar .
Fitimi i Scudettos e çliroi skuadrën nga Milano dhe pas atij momenti 24 vjeçari u bë pjesë e merkatos së Real Madridit.
Italianët s'duan të rrezikojnë largimin e ishi-t të Empolit nga ‘’ San Siro ‘’ dhe po bëjnë maksimumin për të blinduar qëndrimin e tij.
Sipas ‘ Calciomercatos ‘ , ideja e drejtuesve është përfitimi prej 4.5 milionë eurosh në sezon plus 1.5 të tjera bonus në funksion të arritjes së objektivave , e shoqëruar me qëndrimin deri në 2026-tën .
Ky vendim do të konsiderohej një avantazh për skemat e numrit një të pankinës dhe sigurisht është i duhuri pasi një ekip si Milani , sidomos kur vjen pas një suksesi të rëndësishëm, duhet të sigurojë domosdoshmërisht qëndrimin e peshave të rënda.
Largimi i Franck Kessies ishte një goditje e fortë për kampionët në fuqi të Serisë A por me rëndësi është e tashmja, pa harruar asnjëherë të ardhmen dhe deri në këtë moment gjithçka ka shkuar siç duhet tek Milani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
