Gjatë orëve të fundit Barcelona i ka dhënë fund garës për të marrë shërbimet e Bernardo Silvas .
Mesfushori ndiqej prej kohësh nga katalanasit por në fund ka buzëqeshur Manchester City , drejtuesit e të cilit janë afër rinovimit të kontratës me luzitanin.
Pavarësisht se nuk është zyrtarizuar , ishi i Monacos e ka të qartë se do të vijojë nën urdhërat e Pep Guardiolas përtej 30 qershorit të 2023-shit , datë kur e finalizon kontratën me ‘’ The Citiziens ‘’.
Në lidhje me këtë hap të hedhur , 28 vjeçari është shprehur:
“ Nuk kam patur asnjë ofertë nga Spanja. Kam marrë vendimin për të qëndruar tek Manchester City dhe jam shumë i lumtur për këtë fakt “ , deklaroi Bernardo Silva .
Bardhekaltërit e konsiderojnë pjesë të pandashme të projektit ambicioz , kryefjala e të cilit është fitimi i Champions Leagues .
Ky vendim sigurisht është një lajm i hidhur për Barcelonën , skuadër që duhet të kërkojë të tjerë elementë për të pasuruar organikën gjatë merkatos.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
