Ish-lojtari Ermal Tahiri ka thënë se Italia e meritonte finalen, por shton se ndaj Spanjës nuk u shfaq ajo që kemi parë deri tani në Europian. Në emisionin “Euro Zone” në MCN TV, Tahiri ka thënë se mungesa e madhe e skuadrës së Mancini ishte Spinazzola.
“Spinazzola ishte mungesa e madhe e Italisë. Të dyja krahët e mbrojtjes kishin shumë probleme. Spanja zotëroi topin më shumë, por pa shumë raste konkrete. Sot nuk ishte ajo Italia që kemi parë deri tani, nuk ishte ajo që zotëronte lojën. E merituan që të ishin në finale. Te goli i Spanjës ishin shumë hapur te Italia. Spanja kishte edhe disa raste të tjera. Kualiteti bën ndryshimin dhe këtë e kishte Chiesa. Italia luan me një lojtar mangut, pasi Immobile nuk është aty ku duhet. Italia e meriton dhe bravo iu qoftë për këtë arritje. Për finalen kam një mendim se Danimarka është shumë e fortë. Insigne dhe mesfusha nuk më pëlqeu.”, tha Tahiri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
