Portieri Keylor Navas parashikohet se do ta finalizojë eksperiencën në ‘’ Parque de Prince ‘’ në ditët e mbetura të merkatos .
Napoli vijon të jetë shumë insistues gjatë negociatave dhe duke ditur që Gianluigi Donnarumma mbetet opsioni numër një i Christophe Galtier për kuadratin e bardhë , kosta rikani mund të bëjë gati valixhet drejt ‘’ Diego Armando Maradona ‘’.
Largimi i David Ospinas e ka detyruar ekipin e Luciano Spallettit të kërkojë urgjentisht zëvëndësuesin e kolumbianit dhe sipas ‘ Calciomercatos ‘, bardhekaltërit i kanë ofruar 3 milionë euro në sezon ishi-t të Deportivo Saprissas .
Agjenti i mirënjohur Jorge Mendes po bën një punë për tu duartrokitur në metrat e fundit të merkatos dhe me shumë gjasa ‘’ Il Partenopei ‘’ do të jenë shtëpia e re e Keylor Navasit pas eksperiencave në ekipe si Deportivo Saprissa , Albacete , Levante , Real Madridi dhe së fundmi ‘’ Les Pariziens ‘’.
Italianët kanë zhvilluar një merkato cilësore dhe çdo sezon e nisin me objektivin e fitimit të Scudettos por fatkeqësisht nuk kanë mundur të mposhtin më të mirët e këtij kampionati dhe s’duhet anashkaluar se mund të befasojnë atëherë kur nuk e pret.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
