Sezoni aktual mund të jetë i fundit për Roberto Firminon në ‘’ Anfield Road ‘’ . Drejtuesit e Liverpoolit vijojnë të praktikojnë formulën e cila thekson se komponentët e skuadrës nuk duhet të kalojnë 32 vitet , fakt që jep për të kuptuar se Jurgen Klopp-it i nevojiten elementë të rinjë për të krijuar një lloj gërshetimi ndërmjet talentit dhe eksperiencës , aspekt tek i cili traineri gjerman beson fort se do ti ridërgojë ‘’ The Redsat ‘’ drejt sukseseve .
Me një kontratë deri në 2023- shin, për brazilianin mendohet se vera e ardhshme mund ta ndihmojë Liverpoolin për ti gjetur një tjetër strehë dhe të shijojë në maksimum vitet e mbetura në futbollin e luajtur.
Tridenti ofensiv i ish kampionëve të Premier Leagues nuk i plotëson kushtet e vëna nga drejtuesit të cilët kanë marrë shkas edhe nga rënia e dukshme e rendimentit të Roberto Firminos pavarësisht se është një lojtar që ka dhënë një kontribut të çmuar tek Liverpooli prej 7 sezonesh tashmë .
Ideja e Jurgen Kloppit është fuqizuar me humbjen e rivalitetit të sulmuesit me Diogo Jotan duke krijuar një farë skepticizmi për të ardhmen , gjë që s’duhet të ndodhte sidomos kur dihet se traineri 54 vjeçar është gjithmonë në kërkim të trofeve të rëndësishëm .
Situata e rënduar nuk i ka lënë shteg tjetër drejtuesve të gjigandëve të Anglisë dhe jo vetëm për ti bërë shumë shpejt detyrat në lidhje me Roberto Firminon duke deklaruar 20-30 milionë euro për shitjen e brazilianit edhe pse vlera reale e publikuar nga portali i specializuar ‘ Transfermark ‘ arrin 90 milionë eurot .
Kjo shifër është krejtësisht e justifikuar nëse konsiderohet eksperienca me Liverpoolin e cila i ka prodhuar shumë kënaqësi ‘ Bobby-t ‘’ i cili numëron trofe me peshë si Champions League , Premier League , Superkupa e Europës dhe Botërori i Klubeve .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
