Demiral, në listën e Interit

Largimi i Milan Skriniar tek Paris St Germain në verën e kaluar ka lënë një boshllëk evident në mbrojtjen e Interit.

Simone Inzaghi vijon i pakënaqur me rendimentin e këtij reparti, pavarësisht se zikaltërit po zhvillojnë një sezon të shkëlqyer në Serinë A.

Traineri italian është përfshirë menjëherë në këtë çështje dhe ka deklaruar emrin e rradhës për përforcimin e ekipit.

Flitet për Merih Demiral i cili po e vijon karrierën në Arabinë Saudite, tek Al- Ahli. Drejtuesit e ish fituesve të Scudettos thuhet se do të ofrojnë rreth 20 milionë euro për turkun, pa përjashtuar huazimin e tij për një sezon me opsion blerje të kartonit.

Situata aktuale tek Interi në repartin e prapavijës konsiderohet kritike dhe qendërmbrojtësi 26 vjeçar shikohet si një opsion ideal për ta zëvëndësuar sllovakun.

Numri një i stolit pretendon krijimin e një dysheje të fortë bashkë me Bastonin dhe Merih Demiral mund të rezultojë goditja e duhur e skuadrës nga Milano.

Një avantazh për ishi-n e Juventusit do të ishte riadaptimi i shpejtë tek një ekip me të cilin është përballur në të kaluarën, si përfaqësues i të ashtuquajturës ‘’ Zonjës së Vjetër ‘’.