Real Madridi ia ka bërë të qartë se nuk e ka në planet e të ardhmes sulmuesin Gareth Bale dhe një pretendent me shumë peshë kërkon ta largojë nga ‘’ Santiago Bernabeu ‘’.
Milani është hedhur në sulm për këtë përforcim luksi që mund ti japë më shumë eksperiencë fazës ofensive duke qenë se e ka konfirmuar në të kaluarën me fitimin e shumë trofeve me Real Madridin .
Kuqezinjtë janë përpara një situate paksa delikate sepse Zlatan Ibrahimovich nuk garanton edhe shumë për vijimësinë dhe sipas tabloidit ‘ The Sun ‘ italianët do të tentojnë transferimin e uellsianit në ‘’ San Siro ‘’ gjatë verës .
‘’ Djalli “ konsiderohet një ndër ekipet më të famshëm të planetit dhe gjatë viteve ka patur kënaqësinë të shfrytëzojë talentin e shumë yjeve të futbollit botëror, fakt që ndoshta Gareth Bale mund ta konsiderojë por që në krye të herës , lojtari nga Kardiffi e ka deklaruar se do ti japë prioritet ofertave nga Premier League, kampionat ku filloi rrugën drejt suksesit fillimisht me Southampton e më pas me Tottenham Hotspurin .
Etapa e fundit tek Real Madridi s’ka prodhuar gjë tjetër veçse e ka impulsuar drejt një largimit nga kryeqytetasit , histori që ka rezultuar ndryshe me kombëtaren e Uellsit ku sulmuesi nga Kardifi vijon të shkëlqejë .
Rikthimi në elitë imponon shumë sakrifica dhe rruga për arritjen e objektivave po vijohet siç është planifikuar , ku sigurisht prioritet mbetet fitimi i trofeve dhe thyerja e akullit në Champions League që gjithmonë është konsideruar kompeticioni i preferuar i kuqezinjve , aty ku rezultatet janë të padiskutueshme , me 7 trofe të fituar .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
