Në orët e fundit Jose Mourinho ka marrë përsëri një ofertë nga Arabia Saudite.
Në të kaluarën ‘’ The Special One ‘’ e refuzoi kombëtaren por këtë herë drejtuesit e Al-Ahli dhe Al- Ittihad i kanë trokitur në derë.
Lajmi është publikuar nga prestigjozja italiane ‘ Il Corriere dello Sport ‘ dhe 61 vjeçari do të ketë një tjetër shans për të qenë pjesë e këtij kampionati.
Flitet për një rrogë prej 50 milionë eurosh në sezon, e cila do ta shëndërronte luzitanin në trainerin më të paguar të botës.
Strategu i Romës është një ndër më të mirët në këtë profesion, për të cilin do të ishte një sfidë ndryshe, natyrisht në një kampionat që i ka ngjitur ndjeshëm shkallët në lidhje me aspektin cilësor në vitet e fundit por ende vijon shumë larg atyreve europianë.
Eshtë një ofertë tunduese, e cila me siguri do të analizohet në detaje nga Jose Mourinho, trainer që mund të largohet nga ‘’ Verdhekuqtë ‘’ në përfundimin e sezonit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
