Më në fund Manchester City ka arritur objektivin e shumëpritur . ‘’ The Citiziens ‘’ e kanë bindur Pep Guardiolan për të vijuar eksperiencën në ‘’ Etihad ‘’ dhe ja kanë zgjatur kontratën deri në verën e 2025-sës.
Rezultatet pozitive janë një fakt i cili demostron cilësitë e jashtëzakonshme të ishi-t të Barcelonës në pankinë dhe në lidhje me këtë arritje Pep Guardiola është shprehur kështu :
“ Jam shumë i lumtur. Ndihem shumë mirë tek Manchesteri dhe synoj të përmirësohem çdo ditë në funksion të arritjes së objektivave . Besoj tek potenciali i lojtarëve dhe do të bëjmë maksimumin në vazhdimësi “ , ishin këto fjalët e 51 vjeçarit.
Sigurisht s’kishte si të ndodhte ndryshe me një ndër teknikët më të mirë të botës , i cili gëzon mbështetjen absolute të presidentit Khaldoon Al Mubarak.
Numri një i Manchester City-t nuk i shmangu emocionet dhe u shpreh shumë entuziast për të ardhmen e anglezëve :
“ Pep ka kontribuar në progresin e këtij klubi dhe jam i sigurtë se ky është vendimi më i mirë .
Eshtë një trainer shumë profesionist dhe ambicioz dhe falë tij kemi arritur shumë suksese dhe shpresoj se në vazhdimësi do ti arrijmë objektivat ‘’, përfundoi Khaldook Al Mubarak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
