Prej kohësh drejtuesit e Manchester United po punojnë për tu rikthyer sa më shpejt tek titujt.
‘’ Djajtë e Kuq ‘’ pavarësisht se kanë mbetur në prapavijë në aspektin sportiv, në atë ekonomik vijojnë të bëjnë diferencën në kontinentin e vjetër.
Traineri Ruben Amorim është i ndërgjegjshëm se tek një ekip si anglezët duhet të bësh maksimumin pasi në të kundërt rrezikon ndjeshëm stolin.
Tashmë Jules Kounde është bërë pjesë e listës së gjatë në lidhje me merkaton e verës, e cila do të jetë shumë përcaktuese për fatet e 20 herë kampionëve të Premier Leagues.
Francezi la gjurmë fillimisht tek Sevilla dhe tashmë tek Barcelona dhe fakti se Manchester United është një ekip shumë i pasur, i jep një lloj avantazhi për arritjen e objektivave.
Ulje-ngritjet e 26 vjeçarit në sezonin aktual, të reflektuara edhe me ndëshkimin në sfidën kundër Rayo Vallecanos e kanë lënë të pakënaqur Hansi Flickun dhe nga kjo situatë jo e mirë do të tentojnë të përfitojnë drejtuesit e gjigandëve të Premier Leagues dhe jo vetëm.
Megjithatë, kreu i ‘’ Blaugranëve ‘’ Joan Laporta dhe drejtori sportiv Deco po punojnë për të siguruar qëndrimin e Jules Koundes në ‘’ Camp Nou ‘’ për më gjatë, pavarësisht se oferta e Joel dhe Avram Glazer mund të rezultojë tunduese.
Problematikat e vazhdueshme në aspektin ekonomik nuk sigurojnë qëndrimin e peshave të rënda tek ish fituesit e La Ligas dhe Champions Leagues dhe ndoshta ishi i Bordeaux mund të vendosë shumë shpejt nisjen e një tjetër eksperience në karrierë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
