La Liga ka vendosur shtyrjen e dy ndeshjeve të kampionatit, të planifikuara për t’u zhvilluar të shtunën e 11 shtatorit.
Fakti se shumë lojtarë të këtyre skuadrave do të jenë deri ditën e premte të grumbulluar me kombëtaret e tyre në Amerikën Latine, ka bërë që të merret vendimi për shtyrjen e ndeshjeve Villarreal-Alaves dhe Sevilla-Barcelona.
Fillimisht La Liga refuzoi të shtynte ndeshjet, por duke parë që lojtarët që do të ktheheshin nga Amerika Latine, do të kishin vetëm një ditë për stërvitje, vendosi të pranojë shtyrjen.
Kështu të katër këto skuadra nuk do të zbresin në fushë këtë fundjavë, por do të luajnë një ditë tjetër, e cila ende nuk është bërë e ditur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
