Puna e deritanishme e drejtuesve i ka prodhuar shumë benefite Newcastle-s , skuadër që ka befasuar me tre fitore rradhazi në Premier League dhe është distancuar me 4 pikë me zonën e ftohtë të renditjes .
Sheiku Bin Salman ka rikthyer entuziazmin në ‘’ St James Park ‘’ të kanalizuar në goditje cilësore që e kanë bërë krenar Eddie Howen. Por merkatoja vijuese është pas dere dhe filozofia e presidencës mbetet e njëjta : Rikthimi në një superfuqi në futboll .
Megjithatë ‘’ dështimet ‘’ në merkaton e kaluar kanë nxitur këmbnguljen e drejtuesve për ti ndrequr në vijuesen të cilët i janë rikthyer pistës Eberechi Eze.
Bardhezinjtë mendojnë ta rrisin stekën dhe sipas ‘ The Mirror ‘’ kanë ofruar 54 milionë euro për sulmuesin që konsiderohet një referencë e sulmit të Crystal Palace dhe Newcastle e ka bërë pjesë të projektit ambicioz.
42 milionët e ofruara nuk i bindën drejtuesit e ‘’ Shqiponjave ‘’ dhe Newcastle i është kundërpërgjigjur direkt me shifrën e lartpërmendur e cila mund ti bëjë të reflektojnë më gjatë dhe ti japin ‘’ Ok ‘’ interesit të këtij ekipi që i mbetet akoma shumë për të treguar .
Vetëm 268 minuta në sezonin aktual sigurisht konsiderohen pak për Eberechi Eze-n dhe me një pretendent të tillë , s’do të ishte çudi që shumë shpejt ti japë lamtumirën Crystal Palaces.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
