Transferimet e Sergio Ramos , Achraf Hakimit , Gianluigi Donnarummas dhe Georginio Wijnaldum e kanë impulsuar Paris St Germain për të tentuar lëvizjet e reja në ‘’ Parque de Prince ‘’. Traineri Mauricio Pochettino kërkon me çdo kusht formimin e një skuadre kompetitive me objektivin e arritjes së suksesit në kompeticionet pjesëmarrëse . Në lidhje me mesfushën argjentinasi prej kohësh ka spikatur dy lojtarë që kanë kontribuar shumë për Manchester United dhe Rennes .
Flitet për Paul Pogban dhe Eduardo Camavingan . Argjentinasi kërkon njërin prej tyre tek kuq e blutë por është i ndërgjegjshëm se do të jetë shumë e vështirë pasi konsiderohen si pilarët e skuadrave respektive . Momentalisht ish-i i Juventusit shikohet si më i avantazhuar për shkak të eksperiencës së madhe që mban mbi supe . Performanca e shkëlqyer në Europian pavarësisht se ‘’ Trikolorët ‘’ i dhanë fund aventurës duke u mundur në 1/8-tat nga pika e 11 metërshave nga Zvicra ia ka mbajtur hapur derën për ndryshimin e destinacionit .
Kartoni i ish kampionit të botës arrin 70-80 milionë eurot pavarësisht se kontrata me ‘’ The Red Devilsat ‘’ mbetet në fuqi deri në 2022-shin ndërsa për Eduardo Camavingan është vetëm 30 milionë euro .
Megjithatë duhet theksuar se 20 herë kampionët e Premier Leagues janë të ndërgjegjshëm se e ardhmja e Paul Pogbas mund të jetë larg ‘’ Old Trafford ‘’ dhe e shikojnë me sy pozitiv afrimin e Eduardo Camavingas në të ashtuquajturin ‘’ Pallatin e Endërrave ‘’.
Sipas të famshmes “ RMC Sports ‘’ Les Pariziens ‘’ nuk do të ndalen në asnjë moment deri sa ta shkruajnë emrin në librin e fituesve të Champions Leagues dhe me tentativat e deritanishme kuptohet qartë se projekti ambicioz i përpiluar nga krerët e ish kampionëve të Ligue 1 me në krye miliarderin Nasser Al Khelaifi pak e nga pak po merr formë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
