Barcelona ka nisur të mendojë që tani për lëvizjet që do të bëjë në merkaton e verës. Pas arritjes së marrëveshjes me mesfushorin e Milanit, Franck Kessie, tashmë katalanasit po tentojnë të afrojnë një tjetër lojtar nga kuqezinjtë.
Bëhet fjalë për Alessio Romagnoli, i cili do të largohet nga Milani në verë, me parametra zero. Italiani është në fund të kontratës dhe nuk është arritur një marrëveshje për rinovim.
Nga kjo kërkojnë të përfitojnë te Barcelona, që po tentojnë ta bindin lojtarin, për ta afruar falas për sezonin e ardhshëm.
Raportet e Laporta me Raiola janë të mirë dhe besohet se do të gjendet një marrëveshje, edhe pse Lazio po tenton ta transferojë mbrojtësin italian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
