Edhe pse fiksimi i Florentino Perezit vijon të jetë Kylian Mbappe, drejtuesit e Real Madridit do të tentojnë për të tjerë lojtarë të Paris St Germain . Zbuluesi i talentëve tek kryeqytetasit Juni Calafat i ka rekomanduar bosit të këtij klubi blerjen e Warren Zaire- Emery, i cili ka lënë gjurmë në kategoritë inferiore të kuq e bluve. ‘’ Los Merengues ‘’ kanë menduar një ofertë në merkaton verore të 2024-tës për 17 vjeçarin, një vit përpara përfundimit të kontratës me francezët. Me kalimin e viteve në ‘’ Santiago Bernabeu ‘’ janë transferuar disa lojtarë cilësorë si Vinicius Junior , Fede Valverde, Rodrygo dhe Eduardo Camavinga dhe ylli i parizienëve mund të jetë ai i rradhës tek gjigandët e Spanjës dhe më gjerë. Gjatë muajve të fundit drejtuesit e Real Madridit më së shumti janë fokusuar tek arritja e akordit me Kylian Mbappen por njëkohësisht firmosja me talentët vijon të jetë një ndër prioritetet në çdo merkato.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
