Pas humbjes në ‘’ Olimpico ‘’ me Napolin , Romës do ti duhet të përballojë sfidat e të ardhmes.
Një ndër to është ruajtja e organikës pasi ekipet e elitës tashmë po tentojnë ti rrëmbejnë disa nga lojtarët më të mirë .
Jose Mourinho konsiderohet pengesa më e vështirë dhe në rastin konkret Chelsea pretendon Lorenzo Pellegrinin .
Italiani është lideri i ‘’ Verdhekuqve ‘’ por ‘’ Blutë e Londrës ‘’ duan t’i befasojnë kryeqytetasit por duhet nënvizuar se italiani në të kaluarën ishte pjesë e planeve të Barcelonës dhe Real Madridit.
26 vjeçari do të jetë i lidhur me Romën deri në 30 qershorin e 2026-tës dhe shfaqja në skenë e këtyre ekipeve vë disi në siklet drejtuesit.
Projekti ambicioz i ‘’ The Special One ‘’ në krye të stolit i dha rezultatet në sezonin e kaluar me fitimin e Conference Leagues por puna vijon me të njëjtin ritëm sepse objektivi mbetet shtimi i trofeve për ta shëndërruar Romën në një ekip elite, rruge e cila me luzitanin në stol bëhet edhe më e lehtë .
Rinovimi është një mesazh i qartë për pretendentët se do ta kenë pothuajse të pamundur , të pakten deri në afatin e akorduar për të marrë shërbimet e Lorenzo Pellegrinit por s’duhet përjashtuar fakti se ylli i mesfushës do të jetë një ndër protagonistët e merkatos vijuese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
