Ashtu siç ka ndodhur në çdo merkato tek Barcelona vijon ti jepet prioritet afrimit të talentëve.
Në orët e fundit drejtuesit kanë arritur një objektiv dhe flitet për Dany Freire.
16 vjeçari e ka finalizuar eksperiencën me Racing Union dhe ka vendosur ti bashkohet filialit të ‘’ Los Cules ‘’.
Portugezi është provuar gjatë verës tek ekipet e moshave dhe ka patur sukses.
Duhet thënë se lojtari i lindur në Lisbonë mund të aktivizohet si trekuartist dhe gjithashtu si sulmues, dy aspekte të cilat mund ti vijnë në ndihmë gjatë eksperiencës me ‘’ Blaugranët ‘’.
Me rëndësi për tu theksuar është se Dany Freire ka përfaqësuar kombëtaren luzitane në kategorinë e moshave dhe në akademinë e ‘’ La Masias ‘’ do të startojë një tjetër sfidë në karrierë.
Barcelona siç dihet mbetet një ndër kandidatet potenciale për fitimin e titujve dhe në çdo sezon pretendon të arrijë majat.
Besohet se firma do të hidhet ditën e sotme nga Dany Freire i cili nëse vijon me këtë ritëm e ka të ardhmen e garantuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
