Sulmuesi holandez, Steven Berghuis, vendosi të ndryshojë skuadër në këtë merkato vere, teksa u largua nga Feyenoord për të kaluar te rivalët e Ajax.
Kjo nuk është pritur aspak mirë nga tifozët e Feyenoord, që nuk e kapërdijnë dot këtë “tradhti” të futbollistit. Kështu në drejtim të 29-vjeçarit kanë shkuar kërcënime të shumta, aq sa e kanë detyruar atë të bëjë denoncim në polici.
Kërcënimet nuk kanë shkuar vetëm në drejtim të sulmuesit, por edhe për familjen e tij. Ajax dhe Feyenoord e kanë dënuar këtë ngjarje të shëmtuar të ndodhur dhe policia ka nisur punën për identifikimin e personave që kanë bërë kërcënimet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
