Sezoni aktual po rezulton shumë produktiv për Armando Brojan . Shqiptari është pronë e Chelseat por aktualisht militon tek Southampton , ekip ku po kalon një eksperiencë të shkëlqyer.
20 vjeçari premton shumë për të ardhmen dhe pretendentët nuk kanë munguar , përfshirë edhe Arsenalin .
‘’ Topchinjtë ‘’ duan ta afrojnë në ‘’ Emirates ‘’ por njëkohësisht edhe Chelsea mendon ta rikthejë në Londër për arsye se mund të shkaktojë entuziazëm në fazën sulmuese.
Mikel Arteta e preferon Armando Brojan sidomos pas largimit të Pierre Emerick Aubameyangut dhe dyshimit për vijimin e Alexandre Lacazette .
Eksperienca e fituar me ‘’ Shenjtorët ‘’ po bën bujë në Premier League dhe Arsenali po i mëshon fort kësaj piste sepse synon të shtojë rezultatet në metrat e fundit dhe ta mbyllë sezonin në 4-she, fakt që të dërgon direkt në Uefa Champions League.
Armando Broja ka fituar shumë pikë në 11-shen e Ralph Hasenhuttl dhe mundi i është rikompensuar me interesin e 13 herë kampionëve të Premier Leagues të cilët mund të avancojnë vetëm me lojtarë cilësorë.
8 gola dhe 1 asist në 24 ndeshje tek një skuadër e mesit të tabelës sigurisht janë statistika për tu vlerësuar dhe duhet parë nëse drejtuesit kryeqytetas do t’ia plotësojnë dëshirën strategut spanjoll.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
