Dëmtim i rëndë dhe dy operacione, lojtari i Manchester United tërhiqet në moshën 23-vjeçare

Portieri i Manchester United, Paul Woolston, ka vendosur t’i japë fund futbollit të luajtur në moshën 23-vjeçare.

Shkak për këtë është bërë një dëmtim i lojtarit në ijë, i cili e detyroi atë të kryente dy operacione.

Mjekëti i kanë thënë portierit që aktivizohej me United U-23, se do i duhej një kohë e gjatë për rehabilitimin.

Të tërhiqem në moshën 23-vjeçare ka qenë vërtet e vështirë për t’u pranuar, por ndihem shumë më pozitiv tani. Jam vërtet krenar për gjithçka që kam arritur, shumë njerëz ëndërrojnë të luajnë futboll në këtë nivel. Sigurisht, do të kisha dashur të vazhdoja më tej, por ka qenë një nder absolut të përfaqësoj Manchester United gjatë kohës sime këtu.