Drejtuesit e FSHF mbajtën për të dytën ditë radhazi një takim në ambientet e federatës për të qenë gati për rifillimin e kampionatit. Këtë herë ishte radha e sektorit të arbitrave, që të njihej me protokollin shëndetësor që do të zbatohet gjatë ndeshjeve. Për shefin e arbitrave Sokol Jareci, takimi ishte i domosdoshëm pas periudhës së gjatë.
“Ajo që u diskutua ishte pjesa se si do përdoret protokolli i miratura nga Ministria e Shëndetësisë, protokoll që do të jetë present para ,gjatë dhe në përfundiom të ndeshjes. Pikë tjetër ishte pjesa teknike, freskimi i saj pasi edhe arbitrat ashtu si lojtarët vijnë pas një periudhe të gjatë në fushat e futbollit”.
Pavarësisht se protokolli shëndetësor parashikon kufizim të kontakteve, Jareci pranon se gjyqtarët nuk do të kalojnë direkt te kartonat.
“U la detyrë arbitrave që të shohin situatat dhe në momentet e para kur vërjenë ndërhyrje që kalojnë limitet e masave disiplinore duhet të komunikojnë verbalisht dhe do të ndëshkohen lojtarët që e përsëritin. Momenti kur shënon gol, ne nuk e kemi në protokoll që do të sanksionohet me karton në rast të festimit”.
Për Jarecin, ekipi i arbitarve është në të njëjtën gjendje si lojtarët dhe nuk do të ndikojnë negativisht në fatet e takimit
“Si arbitrat ashtu edhe lojtarët nuk janë në 100% sepse vijnë nga periudhë e gjatë, por fizikisht janë në 80-85 % të përgatitjes së tyre fizike. Mendojmë se arbitrat nuk do të jenë faktor negativ në përcaktimin e verdikteve deri në fund të kampionatit”.
Kampionati i kategorisë superiore do të nisë më 3 qershor dhe vetëm 1 ditë më pas edhe kategoria e parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
