Skënderbeu ka mbyllur merkaton me një mesfushor brazilian. Klubi korçar ka njoftuar firmën me Bruno Ritter.
Klubi bardhekuq ia doli ta federojë futbollistin në limitet e merkatos, duke i dhënë kështu një tjetër përforcim Memellit, i cili gjatë fazës përgatitore tha se kishte nevojë për afrime në mesfushë.
Mesfushori i cili vjen në Korçë pas eksperiencës në Bahrejn me Al-Muharraq ka firmosur me Skënderbeun një kontratë 2-vjeçare.
22-vjeçari ka dalë si futbollist nga akademia e klubit të njohur brazilian Vasco Da Gama me të cilët ka debutuar edhe në Serinë A braziliane duke u aktivizuar në dy ndeshje gjatë vitit 2018.
Ritter pritet të shtojë konkurrencën në mesfushë dhe t’i japë një ndihmë të madhe trajnerit Memelli për sezonin e ri, ku prishtmëritë janë të mëdha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
