Botërori do të startojë këtë të diel, me ndeshjen hapëse që është programuar të jetë ajo mes Katarit dhe Ekuadorit.
Kur duhen edhe dy ditë nga fillimi i ndeshjes, në internet kanë shpërthyer akuza për trukim. Gazetari arab, Amjad Taha, nëpërmjet një postimi të bërë në profilin e tij, shkruan se ndeshja është trukuar dhe do të fitojë Katari me rezultatin 1-0, ndërsa shton se organizatorët e Botërorit kanë paguar 7.4 milionë dollarë, për të blerë lojtarët ekuadorianë.
“Katari korruptoi 8 lojtarë të Ekuadorit me 7.4 milionë dollarë për të humbur ndeshjen hapëse (1-0, gol në pjesën e dytë). Pesë të brendshëm nga Katari dhe Ekuadori e kanë konfirmuar. Shpresoj të jetë gënjeshtër. Shpresoj ta shpërndajmë këtë dhe të ndikojmë te rezultati. Bota duket ta kundërshtoje korrupsionin e FIFA-s”, shkruan Amjad Taha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
