Tre medalje ari në Kampionatin Ballkanik të Bodybuilding/ Trajnerët: Arritje e madhe me vetëm katër sportistë

Ekipi kombëtar i fitnesit dhe bodybuilding mori pjesë në Kampionatin Ballkanik, të zhvilluar më 28–29 mars në Stamboll, Turqi.

Katër sportistët shqiptarë u paraqitën denjësisht, duke arritur rezultate të larta: 3 medalje ari, 1 argjendi dhe 1 bronzi.

Medalisti i artë Dion Haxhiaj, së bashku me trajnerët Klejdi Qemali dhe Seldjan Cani, për “MCN Informacion” ndanë emocionet e garës dhe suksesit të arritur.

Dion Haxhiaj:
Ky vlerësim për mua është rezultat i punës sime, të cilën e kam bërë me korrektësi gjatë gjithë kohës në këtë sport. 

Ndihem shumë i nderuar. Ishte një emocion i paharrueshëm që përjetova në Kampionatin Ballkanik.

 

Klejdi Qemali:

Rezultatet flasin vetë. Me vetëm katër sportistë arritëm të marrim këto rezultate. 

Si federatë dhe si trajnerë jemi tepër të kënaqur.

 Synimi ynë është gjithmonë vendi i parë. 

Në një kampionat të tillë, me pjesëmarrje nga i gjithë Ballkani, këtë herë të gjithë ishin shumë të përgatitur.

 

Seldjan Cani:
Është kënaqësi të shohësh që djemtë po e vijojnë këtë sport dhe po rriten dita-ditës. 

Kampionati Ballkanik në Turqi këtë vit kishte shumë konkurrencë dhe jemi të kënaqur me paraqitjen e Dionit.