Napoli refuzon Manchesterin për Koulibaly

I ndodhur në një vështirësi ekonomike  pasi po vuan një dëm prej 20 milionë eurosh, Napoli vijon shqyrtimin e ofertave në drejtim të lojtarëve më të rëndësishëm  .   Manchester United ka trokitur në derën e ‘’ Azurrëve ‘’ për tu vënë në dijeni mbi situatën e mbrojtësit Kalidou Koulibaly që pëlqehet shumë nga Ole Gunnar Solskajer.   ‘’ Djajtë e Kuq ‘’ e vlerësojnë  francezin për arsye të paraqitjeve në sezonet e fundit të cilat e kanë përfshirë në listën e më të mirëve të Serisë A dhe  sipas  ‘’ Gazzetta .it ‘’ kanë ofruar 30 milionë euro për ta larguar nga ‘’ Diego Armando Maradona ‘’. 

Por  oferta e anglezëve është refuzuar nga Aurelio  De Laurentis i cili ka deklaruar  se nuk mendon ta lërë të lirë për më pak se 50 milionë euro .

 Motivi i refuzimit është shumë i qartë sepse Napoli e konsideron një pilar të çmuar të prapavijës dhe gjithashtu vlerësohet shumë nga traineri Luciano Spalletti.   Një fakt tjetër shumë domethënës është se  30 vjeçari mbetet lojtari më i paguar i napoletanëve  me 11  milionë euro në sezon , shifër e cila në bazë të performancës së  franko-senegalezit është plotësisht e justifikuar .  Megjithatë duke ditur se Manchester United është një ndër klubet më të fuqishëm  në aspektin ekonomik  nuk besohet se do të dorëhiqet sepse traineri norvegjez kërkon domosdoshmërisht  transferimin e Kalidou Koulibaly në ‘’ Pallatin e Endërrave ‘’ . 

 Nëse i referohemi urisë për sukses të Manchester United e ndërthurur kjo me cilësitë impresionuese  të ishi-t të Genkut dilet në konkluzionin se  në çdo moment  britanikët mund të shfaqen përsëri për të shkuar drejt  finalizimit të kësaj dëshire të hershme  . Në aspektin e përgjithshëm  20 herë kampionët e Premier Leagues zhvilluan një sezon pozitiv të cilin e konkluduan  me vendin e dytë në kampionat dhe arritjen deri në finale të Europa Leagues ku fatkeqësisht u eleminuan nga pika e 11- metërshave nga Villareali .  

37 ndeshjet me ‘’ Il Partenopei ‘’ ishin konfirmimi i një tjetër sezoni të shkëlqyer në karrierë që me kalimin e kohës i shton pretendentët për nxënësin e  Luciano Spalletit .