Trajneri i Lazio-s Simone Inzaghi në përfundim të ndeshjes së fituar 2-0 kundër Napolit ka folur edhe për portën, pozicion ku tashmë Thomas Strakosha nuk është i padiskutueshëm pasi Pepe Reina po kalon një super formë.
Sipas Inzaghit shkak për rrotacionin është bërë koronavirusi, që preku portierin e kombëtares shqiptare, ndërsa shton se tani nuk është e drejtë që spanjolli të ulet në stol, pasi po kalon një formë të shkëlqyeshme. Gjithsesi trajneri i Lazio-s pohon se momenti i Strakoshës do të vijë sërish.
“Duhet të jem i sinqertë, Reina po paraqitet vërtet mirë. Në të njëjtën kohë, Thomas Strakosha sapo kishte kaluar COVID-in dhe unë u nxitova që e aktivizova pa u stërvitur mjaftueshëm, ishte faji im.
Momenti i tij do të vijë, ai na ka dhuruar paraqitje të shkëlqyera në 4 vitet e fundit, por tani Pepe është në një formë të shkëlqyeshme dhe nuk do të ishte e drejtë ta ulja në stol në këtë moment. Ai e ka fituar vendin e tij,”- u shpreh Inzaghi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
