Besohet se shumë shpejt rruga e Joao Felix me Atletico Madridin do të ndahet .
Portugezi u transferua në ‘’ Wanda Metropolitano ‘’ në verën e 2019-tës por aktualisht marrëdhënia me Cholo Simeonen vijon të përkeqësohet , fakt i cili ia ka qartësuar idetë , të cilat lidhen me qëndrimin në ‘’ Stamford Bridge ‘’.
Ishi i Benfikës ndihet shumë komod tek Chelsea dhe sipas ‘ As ‘ në kampin e kryeqytetasve është vënë re një pakënaqësi ndaj luzitanit duke e bërë gati të pamundur qëndrimin tek spanjollët.
‘’ Los Rojiblancos ‘’ tashmë do të pretendojnë rikuperimin e investimit të bërë në të kaluarën , për një lojtar që konsiderohej se do të ishte ndër referentët kryesorë të kësaj skuadre në repartin e avancuar.
Në lidhje me sezonin aktual , Atletico Madridi pas shumë vitesh çuditërisht i tha lamtumirë Champions Leagues në fazën e grupeve , fakt që evidentoi edhe njëherë se konkurrenca sa vjen edhe ashpërsohet , në Spanjë dhe në kontinentin e vjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
