Dion Berisha, është lojtari i radhës që lë Kosovën për Shqipërinë.
Ndonëse ka luajtur për ekipet e të rinjve te dardanët, sulmuesi i djathtë ka vendosur të përfaqësojë kuqezinjtë për të ardhmen.
Kjo është bërë e ditur nga trajneri i Shqipërisë U-21, Alban Bushi, i cili e ka përfshirë në listë si risi, Berishën.
20-vjeçari është pjesë e skuadrës së dytë të Bayern Munich në Gjermani dhe shpreson që në të ardhmen të jetë pjesë e Kombëtares A.
Në listën e Bushit, u shfaq edhe një tjetër lojtar nga Kosova, Enis Shabani, i cili ka luajtur me Gjermaninë U-19 dhe është pjesë e ekipit të Mainz.
Shqipëria U-21, luan më 13 tetor në udhëtim ndaj Finlandës, ndërsa katër ditë më vonë pret Malin e Zi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
