Problemet gjatë negociatave për rinovimin e kontratës tanimë nuk i garantojnë qëndrimin në ‘’ Stamford Bridge ‘’ Mason Mount .
Sipas ‘’ The Guardian ‘’, për mesfushorin ka shprehur interes Manchester United duke përfituar edhe nga dëshira e drejtuesve të Chelseat për largimin e 24 vjeçarit nga Londra.
Shkak është bërë pretendimi për një rritje rroge, i ekzagjeruar sipas kryeqytetasve, të cilët ia kanë lënë rrugën e lirë ‘’ Djajëve të Kuq ‘’ për arritjen e këtij akordi gjatë verës.
Avantazhi i londinezëve është përfundimi i kontratës së ishi-t të Derby County-t në 2024-tën , të cilët synojnë të rikuperojnë sadopak nga investimi i bërë në dy merkatot e fundit.
Vlera e kartonit të Mason Mount aktualisht arrin 75 milionë eurot dhe vendimi i përket drejtuesve të 20 herë kampionëve të Premier Leagues për akordin ose jo me lojtarin nga Portsmouth.
Skuadra e Erik Ten Hag po vijon me ritmin e duhur në Premier League dhe Europa League , kompeticion në të cilin ditën e djeshme hodhi një hap të rëndësishëm drejt çerekfinaleve pasi mundi në ‘’ Pallatin e Endërrave ‘’ Real Betisin 4-1, rezultat që i krijon qetësi hollandezit për sfidën e kthimit në ‘’ Benito Villamarin ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
