Pa dyshim Cristiano Ronaldo është një ndër protagonistët e kësaj merkatoje verore duke qenë se dëshira e golashënuesit është largimi nga ‘’ Old Trafford ‘’ .
Arsyeja është e qartë tashmë pasi lidhet me transferimin tek një klub pjesëmarrës në Champions League dhe fatkeqësisht dyert po i mbyllen portugezit.
Skuadra e fundit është Olimpique Marseille dhe drejtori sportiv Pablo Longoria është treguar realist duke iu referuar edhe pretendimeve të ishi-t të Sporting Lisbonës të cilat e shëndërrojnë në një operacion të papërballueshëm nga francezët .
Në lidhje me fituesin e 5 ‘’ Topave të Arte ‘’ spanjolli ka deklaruar :
“ Cristiano Ronaldo pa dyshim është një lojtar impresionues por duhet të jemi realistë dhe të tentojmë transferime që mund ti përballojmë. Projekti jonë ka si kryefjalë formimin e një ekipi kompetitiv, gjithmonë duke iu përmbajtur limiteve tona “, theksoi spanjolli .
Erik Ten Hag vijon të mos bindet nga 37 vjeçari në këtë fillim sezoni por natyrisht luzitani nuk mund ta pranojë këtë fakt dhe shpreson që në ditët e mbetura të gjejë një destinacion të përshtatshëm për të vijuar në lartësinë e duhur , me një ekip që sigurisht i jep shansin të tregojë veten në kompeticionin më të rëndësishëm europian për klube.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
