Kombëtarja shqiptare e volejbollit ka mbyllur rrugëtimin në Ligën e Argjendtë, duke mos bërë dot në kualifikim historik për në “Final Four”.
Shqipëria është mposhtur nga Rumania 3-0 me sete. Kuqezinjtë kishin fituar 3 ndeshje në grup dhe në rast të një tjetër suksesi me Rumaninë, do ia dilnin të kualifikoheshin si të parët e grupit ose mund të shkonin më tej, nëse humbisnin dy sete.
Gjithsesi kombëtarja shqiptare, nuk arriti asnjë nga këto objektiva dhe u mposhtën 3-0 me sete. Rumania triumfoi 25-18 në setin e parë, 25-19 në setin e dytë dhe 25-22 në setin e tretë.
Përfundon këtu aventura e Shqipërisë në Ligën e Argjendtë, por duhet theksuar se djemtë kuqezi kanë bërë një paraqitje shumë të mirë në grup, duke iu afruar një kualifikimi historik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
