Kombëtarja shqiptare, vazhdon përgatitjet për ndeshjen e parë miqësore, në prag të Europianit, atë ndaj Lihtenshtejnit, që është programuar të luhet më 3 qershor.
Pas sulmuesit Taulant Seferi, me kuqezinjtë në Austri, u bashkua edhe mesfushori Amir Abrashi.
Mungesa e vetme, është ajo e mbrojtësit Berat Gjimshiti, që do të nisë grumbullimin, pas ndeshjes së fundit me Atalantën.
Gjendja e grupit është e mirë dhe aktualisht nuk ka asnjë lojtar me probleme fizike. Kjo ishte seanca e fundit stërvitore para miqësores me Lihtenshtejnit që do të luhet më 3 qershor në stadiumin “Haladas” të Hungarisë, me kuqezinjtë që do të rikthehen sërish në bazën stërvitore pas kësaj sfide për të vijuar me përgatitjet.
Miqësorja e dytë e qershorit do të luhet në të njëjtin stadium më datë 7 qershor ndaj Azerbajxhanit dhe starton në ora 19:00. Pas kësaj ndeshjeje kombëtarja do të transferohet në Kaizerau, ku do të qëndrojë përgjatë gjithë Euro 2024.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
