Duke qenë se është një kockë e fortë në Spanjë dhe në Europë ku ka impresionuar me nivelin e treguar Atletico nuk dëshiron të mbetet prapa as në merkato . ‘’ Los Rojiblancos ‘’ janë shumë të qartë se gjithçka sapo ka filluar dhe vijojnë punën me të njëjtin ritëm për sezonin vijues . Diego Simeone është një ndër strategët më të mirë në botë dhe kjo arsye evidenton se përzgjedhjet e tij do të analizohen me detaje . Kryeqytetasit janë të ndërgjegjshëm se duhet të përmirësohen në disa aspekte thelbësore për të mos humbur terren në vigjilie të sezonit të ri .
Objektivi i rradhës për kampionët në fuqi të Primera Division është Marc Cucurrella . Mbrojtësi 22 vjeçar është një ndër më të spikaturit tek Getafe dhe traineri argjentinas e kërkon me patjetër në ‘’ Wanda Metropolitano ‘’ . Por kjo histori është shoqëruar me një fakt interesant nga ana e presidentit të ‘’ Los Azulones ‘’ Angel Torres i cili gjatë një interviste për prestigjozen Marca e ka përgënjeshturar totalisht interesin e Atleticos :
“ Nuk ekziston asnjë kontakt me Atleticon për Marc Cucurrellan . Kemi patur oferta nga Anglia dhe Gjermania por jam në dijeni se nuk do të largohet nga Getafe ‘’ , theksoi Angel Torres .
Në të kaluarën u konsiderua si një ndër talentët më premtues të akademisë së Barcelonës por me ‘’ Los Cules ‘’ mundësitë ishin të reduktuara dhe u detyrua të merrte rrugën për në ‘’ Coliseum ‘’ , aty ku ka arritur të adaptohet shumë mirë dhe ka ngjallur interesin e skuadrave me emër.
Marc Cucurella është shëndërruar në një peshë të rëndë në skemat e trainerit Michel dhe gjatë sezonit e ka justifikuar besimin e tij me 39 ndeshje dhe 3 gola . Merkatoja verore do të rezultojë shumë intersante sepse mund të ndodhë gjithçka në lidhje me të ardhmen e talentit spanjoll .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
